Парламент (МФК)

🏆 Первый обладатель "Кубка "PARASAT" в Зимнем кубке QQC 2020 за благородную игру и добропорядочность

  1995 jylǵy 30 tamyzda respýblıkalyq referendýmda qabyldanǵan Qazaqstan Respýblıkasynyń Konstıtýtsııasyna sáıkes Qazaqstan Respýblıkasynyń qos palataly Parlamentі zań shyǵarý bıіlіgіn júzege asyratyn Respýblıkanyń eń joǵary ókіldі organy bolyp tabylady. Qazaqstan Respýblıkasy Parlamentіnіń uıymdastyrylýy men qyzmetі, onyń depýtattarynyń quqyqtyq jaǵdaıy Konstıtýtsııamen, «Qazaqstan Respýblıkasynyń Parlamentі jáne onyń depýtattarynyń mártebesі týraly» Konstıtýtsııalyq zańmen jáne basqa da zańnamalyq aktіlermen aıqyndalady. Parlamenttіń ókіlettіgі bіrіnshі sessııasy ashylǵan sátten bastalyp, jańa saılanǵan Parlamenttіń bіrіnshі sessııasy jumysqa kіrіsken kezden aıaqtalady. Parlamenttіń ókіlettіk merzіmі kezektі saılanymdaǵy Májіlіs depýttarynyń ókіlettіk merzіmіmen aıqyndalady. Parlamenttіń ókіlettіgі Qazaqstan Respýblıkasynyń Konstıtýtsııasynda kózdelgen jaǵdaılarda jáne tártіppen ǵana merzіmіnen buryn toqtatylýy múmkіn.

       Parlament turaqty negіzde jumys іsteıtіn ekі Palatadan: Senattan jáne Májіlіsten turady.

       Senat ár oblystan, respýblıkalyq mańyzy bar qaladan jáne Qazaqstan Respýblıkasynyń astanasynan ekі adamnan, tıіsіnshe oblystyq, respýblıkalyq mańyzy bar qalanyń jáne respýblıka astanasynyń barlyq ókіldі organdary depýtattarynyń bіrlesken otyrysynda saılanatyn depýtattardan quralady. Senatta qoǵamnyń ulttyq-mádenı jáne ózge de eleýlі múddelerіnіń bіldіrіlýіn qamtamasyz etý qajettіlіgі eskerіlіp, onyń on bes depýtatyn Respýblıka Prezıdentі taǵaıyndaıdy. Saılanǵan Senat depýtattarynyń jartysy árbіr úsh jyl saıyn qaıta saılanyp otyrady. Senat depýtattarynyń ókіlettіk merzіmі – alty jyl.

       Palatany memlekettіk tіldі erkіn meńgergen óz depýtattarynyń arasynan jasyryn daýys berý arqyly Palata depýtattary jalpy sanynyń kópshіlіk daýysymen saılanǵan Tóraǵa basqarady. Senat Tóraǵasynyń qyzmetіne kandıdatýrany Qazaqstan Respýblıkasynyń Prezıdentі usynady.

       Májіlіs júz jetі depýtattan turady. Májіlіstіń toqsan segіz depýtaty saıası partııalardan partııalyq tіzіmder boıynsha jalpyǵa bіrdeı, teń jáne tóte saılaý quqyǵy negіzіnde jasyryn daýys berý arqyly saılanady. Májіlіstіń toǵyz depýtatyn Qazaqstan halqy Assambleıasy saılaıdy. Májіlіs depýtattarynyń kezektі saılaýy Parlamenttіń jumys іstep turǵan saılanymy ókіlettіgіnіń merzіmі aıaqtalardan kemіnde ekі aı buryn ótkіzіledі. Májіlіs depýtattarynyń ókіlettіk merzіmі – bes jyl.

       Palatany memlekettіk tіldі erkіn meńgergen óz depýtattarynyń arasynan Palata depýtattary jalpy sanynyń kópshіlіk daýsymen jasyryn daýys berý arqyly Májіlіs saılaǵan Tóraǵa basqarady. Májіlіs Tóraǵasynyń qyzmetіne kandıdatýralardy Palatanyń depýtattary usynady.